Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31
  32. 32
  33. 33
  34. 34
  35. 35
  36. 36
  37. 37
  38. 38
  39. 39
  40. 40
  41. 41
  42. 42
  43. 43
  44. 44
  45. 45
  46. 46
  47. 47
  48. 48
  49. 49
  50. 50
  51. 51
  52. 52
  53. 53
  54. 54
  55. 55
  56. 56
  57. 57
  58. 58
  59. 59
  60. 60
  61. 61
  62. 62
  63. 63
  64. 64
  65. 65
  66. 66

Feagaiga Tuai

Feagaiga Fou

Isaia 60 O LE TUSI PA'IA - Ekalesia Katoliko Roma (RSCB)

O le Tupu Tele o le ‘Upu a le Atua ma le Manuia o ona Tagata

1. Tula‘i ia, ‘inā malamalama ia,auā ‘ua o‘o mai lou malamalama;‘ua alu a‘e fo‘i le pupula o le ALI‘I i ou luga.

2. Auā fa‘auta mai, e ufitia le lalolagi i le pouliuli,e ufitia fo‘i nu‘u i le pogisā.‘Ae afio a‘e le ALI‘I i ou luga,ma le pupula o le ALI‘I e aliali mai lea i ou luga.

3. E ō mai nu‘u ‘ese i lou malamalama,o tupu fo‘i e ō mai i latou i le pupula o lou alu a‘e.

4. ‘Ia e fetepa‘i i itū uma, ma e va‘ai,o lo‘o fa‘apotopoto mai i latou uma.‘Ua latou ō mai ‘iā te oe,o au tama tane e ō mai i latou i mea mamao,e afisi fo‘i au tama fafine i lou itū.

5. ‘Ona e va‘ai ai lea ma e ‘oli‘oli;e polepole oe ma fiafia tele lou loto.Auā e liua mai ‘iā te oe le ‘oa o le sami;e o‘o mai ‘iā te oe le ‘oloa o nu‘u ‘ese.

6. E ufitia oe i le vao kamela e tele, o kamela ta‘anoa o Mitiana ma Efa.O i latou uma mai Seepa e ō mai,latou te ‘aumaia auro ma pulu lipano,latou te tala fiafia i vi‘iga o le ALI‘I.

7. E fa‘apotopotoina ‘iā te oe lafu mamoe uma o Kitara.E ‘au‘auna ‘iā te oe mamoe po‘a o Nepaiota,latou te ō a‘e, e talileleia i lo‘u fatafaitaulaga;‘ou te fa‘amatagofie fo‘i le fale o i ai lo‘u matagofie.

8. O ai ‘ea i latou na o lo‘o felelei e pei se ao,e pei o lupe fo‘i i o latou faitoto‘a?

9. Auā e fa‘atalitali nu‘u tu matāfaga ‘iā te a‘u,e muamua fo‘i va‘a o Tasesa.E ‘aumaia lau fānau i mea mamao,o a latou ario ma a latou auro e fa‘atasi ma i latou.‘Ona o le suafa o le ALI‘I lou Atua, ma le Pa‘ia o Isaraelu,auā ‘ua ia fa‘amatagofie ‘iā te oe.

10. E atiina a‘e ou pā e tagata ‘ese;e ‘au‘auna mai o latou tupu ‘iā te oe.Auā o lo‘u ita na a‘u taia ai oe,a o lo‘u alofa ‘ou te alofa ai lava ‘iā te oe.

11. E avanoa pea lava ou faitoto‘a,e lē punitia i le ao mai le po;‘ina ‘ia ‘aumaia ‘iā te oe le ‘oloa o nu‘u ‘esema ‘ia ta‘ita‘iina ai o latou tupu.

12. Auā e fano le nu‘u ma le mālō‘ua lē mafai ‘ona ‘au‘auna ‘iā te oe;e matuā fa‘atafunaina ia nu‘u.

13. E ō mai ‘iā te oe mea e ta‘ua ai Lepanona.o le perosi ma le titara ma le tasura e fa‘atasi.E fa‘amatagofie a‘i le mea e i ai lo‘u malumalu;‘ou te fa‘alaleleia fo‘i le mea e tu ai o‘u vae.

14. O le fānau o ē na fa‘asauā ‘iā te oe,latou te ō mai, ma latou ifo ‘iā te oe.O i latou uma ē na ‘ino‘ino ‘iā te oe,latou te ifo atu i ou alofivae;latou te fa‘aigoa ‘iā te oe,O le ‘a‘ai a le ALI‘I,O Siona o le ‘a‘ai a le Pa‘ia o Isaraelu.

15. Na fai oe ma nu‘u lafoa‘iina ma le ‘inosia,‘ua leai fo‘i sē ui ai,A o lenei e faia oe e a‘u ma nu‘u matagofie,e fa‘avavau ma nu‘u e ‘oli‘oli ai,i lea tupulaga ma lea tupulaga.

16. ‘E te susu i le suāsusu o nu‘u ‘ese,‘e te susu fo‘i i susu o tupu.‘E te iloa fo‘i o a‘u o le ALI‘I o lou Fa‘aolama lē na fa‘atauina oe, o le Malosi o Iakopo.

17. ‘Ou te ‘aumaia le auro e sui a‘i le ‘apamemea;‘ou te ‘aumaia fo‘i le ario e sui a‘i le u‘amea,ma le ‘apamemea e sui a‘i la‘au,ma u‘amea e sui a‘i ma‘a.E ‘avea fo‘i e a‘u ou ali‘i ‘ia filemū,ma ou faipule ‘ia amiotonu.

18. E lē toe lagona le sauāga i lou lau‘ele‘ele.O le fa‘atafunaina ma le lepetia o mea e lē lagona ia i lou nu‘u.‘Ae fa‘aigoaina e oe ou pā,O le olataga ma ou puipui, o le vi‘iga.

19. E lē toe faia le lā mou malamalama i le ao;e lē fa‘amalamalama fo‘i ‘iā te oe le masina i lona susulu mai.E faia le ALI‘I mou malamalama e fa‘avavau,e fai fo‘i lou Atua mou matagofie.

20. E lē toe goto lou lā,e lē toe mavae atu fo‘i lou masina.Auā e fai le ALI‘I mou malamalama e fa‘avavau,e uma fo‘i aso o lou fa‘anoanoa.

21. O lou nu‘u fo‘i e amiotonu i latou uma lava;e fai mo latou le nu‘u e fa‘avavau.O le tātupu o la‘u fa‘ato‘aga,o le galuega a o‘u lima, e fai mo‘u vi‘iga.

22. O le to‘aitiiti e fai ma to‘aafe,ma lē ‘ua fa‘atauva‘a e fai ma nu‘u malosi.O a‘u o le ALI‘I,‘ou te fa‘avave ‘ona fai i ona lava aso.