36. O le mea lea o lo‘o fa‘apea ‘ona fetalai mai ai o le ALI‘I:Fa‘auta, ‘ou te faia lau finauga,‘ou te matuā taui fo‘i ma sui ‘ona o oe;‘Ou te fa‘amateina lona vaima fa‘amatūtūina lona vaipuna.
37. E fai fo‘i Papelonia ma faupuega ma‘a,o le mea e fale a‘i luko,o le mea fo‘i e ofo ai ma uisa ai,e leai fo‘i sē nofo ai.
38. Latou te fētāgisi fa‘atasi e pei o leona ta‘anoa,latou te leo tetele fo‘i e pei o tama‘i leona.
39. ‘Ou te saunia a latou tausamiga a o vevela i latou,‘ou te fa‘ainu fo‘i ‘iā te i latou ‘ia ‘onā,‘ina ‘ia latou ‘oli‘oli ma momoei le moe e fa‘avavau ma latou lē ala mai,‘ua fetalai mai ai le ALI‘I.
40. ‘Ou te ‘aveina ifo i latoue pei o tama‘i mamoe ‘ia fasia,e pei o mamoe po‘a fo‘i ma ‘oti po‘a.
41. E! ‘ua ā‘ea Sesaka; ‘ua maua lē na vi‘ia e le lalolagi uma.E! ‘ua ‘avea Papelonia ma mea e ofo ai nu‘u.