8. E pei o le manu ‘ua lele ‘ese i lona ōfaga,e fa‘apea le tagata ‘ua ta‘asē ai lona lava nu‘u.
9. O le suāu‘u ma le mea manogi e fa‘afiafiaina ai le loto;‘ae o le popole, e fa‘alavelave i le filemū o le mafaufau.
10. ‘Aua ‘e te tu‘ulafoa‘iina lau uō, ma le uō a lou tamā;‘aua fo‘i ‘e te ulu atu i le fale o lou uso i le aso ‘e te tigā ai;auā e sili ‘ona lelei o lē lua te tuā‘oi ‘ua latalata mai, i le uso e mamao.
11. Lo‘u atali‘i e, ‘ia poto oe ma e fa‘afiafia lo‘u loto;‘ona ‘ou mau tali ai lea i lē fāifai mai.
12. O lē ‘ua fa‘autauta, na te iloa atu le leaga ma lafi ai;a o ē ‘ua faigofie, e ō atu pea i latou, ‘ona fa‘asalaina ai lea.
13. ‘Ia e talia le ‘ofu o lē ‘ua fai ma moni o le tagata ‘ese;ma ‘ia talia lana mea e tu‘u fa‘afa‘atau, ‘ona o le fafine ‘ese.
14. O lē ‘ua fa‘amanuia i lana uō ma le leo tele,e tula‘i o ia i le taeao lava e ta‘ua lea o le fetu‘u ‘iā te ia.
15. O le tutulu so‘o i le aso timu ma le fafine fa‘amisa, e tutusa ia;
16. o lē ‘ua nanā ‘iā te ia, ‘ua nanā e ia le matagi;ma le suāu‘u o lona lima taumatau e ‘alaga mai.
17. E ma‘ama‘ai le u‘amea i le u‘amea,e fa‘apea fo‘i ‘ona fa‘amafanafana o le tagata i lana uō.
18. O lē ‘ua leoleo i le mati na te ‘ai i lona fua;o lē ‘ua ‘ana‘ana fo‘i i lona ali‘i e vi‘ia o ia.