Le mataupu

  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31

Feagaiga Tuai

Feagaiga Fou

Faataoto 27 O LE TUSI PA'IA - Ekalesia Katoliko Roma (RSCB)

O le Uiga o le Alofa; o le Aogā o Galuega

1. ‘Aua ‘e te mitamita i le aso taeao;auā ‘e te lē iloa se mea e tupu a taeao.

2. ‘Ia vi‘ia oe e le tagata ‘ese, ‘ae lē o lou lava gutu,‘ia vi‘ia e se tasi, ‘ae lē o ou lava laugutu.

3. E mamafa le ma‘a, e mamafa fo‘i le oneone;a o le ita o le vale, e sili ‘ona mamafa lea i ia mea e lua.

4. O le lotoa o le sauāga lea; o le ita o le tāfega lea;a o ai sē tu i luma o lē fuā?

5. E sili ‘ona lelei o le a‘oa‘iga ‘ua aliali mai, i le alofa ‘ua lilo.

6. E mafai ona e talia manu‘a mai lau uō,‘ae o le tele o sogi o lē e ‘ino‘ino ‘iā te oe, o le pepelo lava lea.

7. O le tagata ‘ua mā‘ona e tete‘e atu e ia i le meli;a o le tagata ‘ua mate i le fia ‘ai,e suamalie ‘iā te ia mea ‘o‘ona uma.

8. E pei o le manu ‘ua lele ‘ese i lona ōfaga,e fa‘apea le tagata ‘ua ta‘asē ai lona lava nu‘u.

9. O le suāu‘u ma le mea manogi e fa‘afiafiaina ai le loto;‘ae o le popole, e fa‘alavelave i le filemū o le mafaufau.

10. ‘Aua ‘e te tu‘ulafoa‘iina lau uō, ma le uō a lou tamā;‘aua fo‘i ‘e te ulu atu i le fale o lou uso i le aso ‘e te tigā ai;auā e sili ‘ona lelei o lē lua te tuā‘oi ‘ua latalata mai, i le uso e mamao.

11. Lo‘u atali‘i e, ‘ia poto oe ma e fa‘afiafia lo‘u loto;‘ona ‘ou mau tali ai lea i lē fāifai mai.

12. O lē ‘ua fa‘autauta, na te iloa atu le leaga ma lafi ai;a o ē ‘ua faigofie, e ō atu pea i latou, ‘ona fa‘asalaina ai lea.

13. ‘Ia e talia le ‘ofu o lē ‘ua fai ma moni o le tagata ‘ese;ma ‘ia talia lana mea e tu‘u fa‘afa‘atau, ‘ona o le fafine ‘ese.

14. O lē ‘ua fa‘amanuia i lana uō ma le leo tele,e tula‘i o ia i le taeao lava e ta‘ua lea o le fetu‘u ‘iā te ia.

15. O le tutulu so‘o i le aso timu ma le fafine fa‘amisa, e tutusa ia;

16. o lē ‘ua nanā ‘iā te ia, ‘ua nanā e ia le matagi;ma le suāu‘u o lona lima taumatau e ‘alaga mai.

17. E ma‘ama‘ai le u‘amea i le u‘amea,e fa‘apea fo‘i ‘ona fa‘amafanafana o le tagata i lana uō.

18. O lē ‘ua leoleo i le mati na te ‘ai i lona fua;o lē ‘ua ‘ana‘ana fo‘i i lona ali‘i e vi‘ia o ia.

19. E pei ‘ona va‘aia lou ata i le vai;e fa‘apea fo‘i ona va‘aia lou ata i le loto o le tasi tagata.

20. O tu‘ugamau ma le malaia e le mā‘o‘ona i lā‘ua;o mata fo‘i o tagata e le malie i le va‘ai.

21. O le ario ma le auro e tofotofoina i le afi;e tofotofoina fo‘i le lelei o le tagata i le ‘onosa‘i.

22. E tusa lava pe ‘e te tu‘imomomo le vale i le mea e tu‘i a‘i le ipupo‘o le mea e tu‘i a‘i saito,e le te‘a ‘ese lona valea mai ‘iā te ia.

23. ‘Ia e matuā iloa tino o au mamoe, ma e mafaufau i ou lafu;

24. auā e le fa‘avavau le ‘oloa;e lē o‘o fo‘i le paleali‘i i lea tupulaga ma lea tupulaga.

25. ‘Ua tutupu mai le mutia ma ‘ua iloa mai le vao mu‘a,e fa‘aputuina fo‘i le vao iti o mauga.

26. O tama‘i mamoe e maua ai ou ‘ofu;ma ‘oti o le tau lea o le fanua.

27. E lava fo‘i suāsusu o ‘oti, e ‘ai ai oe,e ‘ai ai fo‘i lou ‘āiga; e mā‘o‘ona ai fo‘i ou teine e ‘au‘auna.