4. O le lotoa o le sauāga lea; o le ita o le tāfega lea;a o ai sē tu i luma o lē fuā?
5. E sili ‘ona lelei o le a‘oa‘iga ‘ua aliali mai, i le alofa ‘ua lilo.
6. E mafai ona e talia manu‘a mai lau uō,‘ae o le tele o sogi o lē e ‘ino‘ino ‘iā te oe, o le pepelo lava lea.
7. O le tagata ‘ua mā‘ona e tete‘e atu e ia i le meli;a o le tagata ‘ua mate i le fia ‘ai,e suamalie ‘iā te ia mea ‘o‘ona uma.
8. E pei o le manu ‘ua lele ‘ese i lona ōfaga,e fa‘apea le tagata ‘ua ta‘asē ai lona lava nu‘u.
9. O le suāu‘u ma le mea manogi e fa‘afiafiaina ai le loto;‘ae o le popole, e fa‘alavelave i le filemū o le mafaufau.
10. ‘Aua ‘e te tu‘ulafoa‘iina lau uō, ma le uō a lou tamā;‘aua fo‘i ‘e te ulu atu i le fale o lou uso i le aso ‘e te tigā ai;auā e sili ‘ona lelei o lē lua te tuā‘oi ‘ua latalata mai, i le uso e mamao.
11. Lo‘u atali‘i e, ‘ia poto oe ma e fa‘afiafia lo‘u loto;‘ona ‘ou mau tali ai lea i lē fāifai mai.