1. O fa‘ata‘oto fo‘i nei a Solomona, na tusia mai e tagata o Esekia le tupu o Iuta.
2. O le mamalu o le Atua ‘ia natia ai mea;a o le mamalu o tupu ‘ia su‘esu‘e ai mea.
3. O le lagi e maualuga lea ma le lalolagi e maulalo lea;o loto fo‘i o tupu e le ma su‘esu‘eina.
4. ‘Ia fa‘ate‘a le otaota i le ario,‘ona maua ai lea o se ipu mo le tufuga fai mea u‘amea;
5. ‘ia fa‘ate‘a lē ‘ua amio leaga i luma o le tupu,‘ona fa‘atumauina ai lea o lona nofoāli‘i i le amiotonu.
6. ‘Aua ‘e te fa‘alialia i luma o le tupu;‘aua fo‘i ‘e te tu i le mea e i ai ali‘i sili.
7. Auā e lelei ‘ona ia fai atu ‘iā te oe, “Sau ia i luga nei;”‘ae leaga ‘ona fa‘amaulaloina oe i luma o le ali‘i ‘ua e va‘ai i ai.
8. ‘Aua ne‘i e alu fa‘ata‘alise e fai le finauga; ‘ina ne‘i femēmēa‘i oe,pe a o‘o i lona i‘uga, ‘ina ‘ua fa‘amāina oe e lē lua te tuā‘oi.
9. ‘Ia fai la ‘oulua finauga ma lē lua te tuā‘oi;‘ae ‘aua le fa‘aali atu le ‘upu fa‘alilo a le tasi tagata;
10. ne‘i fa‘alumaina oe e lē ‘ua fa‘alogo i ai;‘ona lē te‘a lea ‘iā te oe ‘ona ta‘uleagaina.