1. ‘Ua alu ane fo‘i le tasi tagata o le ‘āiga o Levi ‘ua fai avā i le afafine o Levi.
2. ‘Ona tō lea o le fafine, ‘ua fānau mai le tama, tane; ‘Ua ia iloa o ia ‘ua lālelei, ‘ona ia nā lava lea ‘iā te ia i masina e tolu.
3. ‘Ua lē toe mafai ‘ona nā ‘iā te ia, ‘ona ia ‘ave lea mo ia o le ‘ato kome, na ia puluti ai i le pulu emeri, ma le pulu safeta; na ia tu‘u ai le tama, ‘ona tu‘uina ai lea i le vao utuutu i le ‘auvai o le vaitafe.
4. A ‘ua tu mamao atu lona tuafafine ‘ina ‘ia iloa pe i‘u ‘ina fa‘apefea o ia.