1. ‘Ua o‘o mai fo‘i le afioga a le ALI‘I ‘iā te a‘u, ‘ua fa‘apea mai:
2. Le atali‘i e o le tagata, fai atu ia i tagata o lou nu‘u, ia fa‘apea atu ‘iā te i latou, A ‘ou fa‘ao‘oina atu le pelu i se nu‘u, ‘āfai e ‘avea e tagata o lea nu‘u se tagata o lo latou nu‘u ma latou tofia o ia e fai mo latou tagata va‘ai;
3. a iloa atu e ia le pelu o lo‘o sau i le nu‘u, ‘āfai na te ilia le pū ma fa‘ailoa atu i le nu‘u;
4. o sē na te lagona le leo o le pū, ‘ae lē ‘ana‘ana i ai; a o‘o ane le pelu ma oti ai o ia, e i luga o lona lava ulu lona toto.
5. Na ia lagona le leo o le pū, a ‘ua lē ‘ana‘ana i ai; e ‘iā te ia lava lona toto; a o lē na te ‘ana‘ana e fa‘asaoina e ia lona ola.
6. ‘Ae ‘āfai e iloa e le tagata va‘ai le pelu o lo‘o sau, ‘ae lē ilia e ia le pū ma ‘ua lē fa‘ailoa atu i le nu‘u; a o‘o mai le pelu ma oti ai se tasi o i latou, ‘ua oti o ia i lana amio leaga; a o lona toto ‘ou te tauiatua lea i le tagata va‘ai.