18. ‘Ua latou tofia ositaulaga i o latou vasega ma sa Levī, i o latou vasega, e fai ai le galuega a le Atua o i Ierusalema, e pei ‘ona tusia i le tusi a Mose.
19. ‘Ua faia e tagata o le tāfeaga le paseka i le aso e sefulu ma le fa o le ulua‘i masina.
20. Auā sa fa‘amamāina fa‘atasi le ‘au ositaulaga ma sa Levī, ‘ua mamā i latou uma, ‘ua latou fasi fo‘i le tama‘i mamoe o le paseka mo tagata uma o le tāfeaga, ma o latou uso o le ‘au ositaulaga, ‘atoa ma i latou lava.
21. ‘Ua ‘a‘ai ai fo‘i le fānauga a Isaraelu o ē na fo‘i mai i le tāfeaga, ma i latou uma o ē na vavae mai ‘iā te i latou a‘i le leaga o tagata ‘ese o i le nu‘u, e sā‘ili atu ai i le ALI‘I le Atua o Isaraelu;
22. ma latou faia le tausamiga o areto e lē fa‘afefeteina i aso e fitu ma le fiafia; auā sa fa‘afiafiaina i latou e le ALI‘I, na ia liliu fo‘i le loto o le tupu o Asuria ‘iā te i latou e fa‘amalolosi ai o latou lima i le faiga o le fale o le Atua, o le Atua o Isaraelu.#