1. E! ‘ua fa‘alāfulafu le auro, ‘ua liua le auro lelei;‘ua sasa‘aina ma‘a pa‘ia i tulu‘iga o ala uma.
2. O tama pele a Siona, e tutusa ma le auro lelei,E! ‘ua fa‘atatauina i latou ma fagu ‘omea ‘ua faia e lima o le fai ipu ‘omea.
3. O luko lava e tu‘u atu o latou susu, ‘ua latou fa‘asusu, ‘iā latou toloa‘i;a o le tama fafine a lo‘u nu‘u ‘ua sauā pei o iaena o i le vao.
4. ‘Ua pipi‘i le laulaufaiva o le tama meamea i lona gutu i le fia inu;‘ua fa‘atoga atu tamaiti i le mea e ‘ai, a ‘ua lē tufatufa atu e se tasi mā latou.
5. O ē na ‘a‘ai i mea lelei ‘ua fano i latou i ala;o ē na tausia i ‘ie ulaula ‘ua ta‘o‘oto i latou i fa‘atafuna.
6. ‘Ua tele fo‘i le sala a le tama fafine a lo‘u nu‘u i le sala a Sotomalē na fa‘aumatia e pei o le ‘emo o le mata, na lē o‘o i ai ni lima.
7. Na mamā ona naseri e sili i le kiona, na sinasina i latou e sili i le suāsusu,sa matagofie o latou tino e sili i le penina, o le safaira o lo latou lālelei lea.
8. ‘Ua uliuli o latou tino e sili i mea uli, ‘ua lē iloa i latou pe a feoa‘i;‘ua pipi‘i o latou pa‘u i o latou ivi ‘ua popo, ‘ua pei o se la‘au.
9. E sili ‘ona lelei o i latou ‘ua fasiotia i le pelu i ē ‘ua oti i le oge;auā o i latou ia ‘ua mole i latou ‘ua otilaina ‘ina ‘ua leai ni mea e tutupu i le fanua.
10. ‘Ua tunu e lima o fafine alolofa o a latou lava fānau,sa fai ma mea e ‘ai mā latou i le malaia o le tauia fafine a lo‘u nu‘u.
11. ‘Ua fa‘auma mai e le ALI‘I lona to‘atama‘i, ‘ua sasa‘aina e ia le tele o lona to‘asā,‘ua tutu e ia le afi i Siona, ‘ua susunuina ai ona fa‘avae.
12. O tupu o le lalolagi ma i latou uma o nonofo i le atu laulau,sa le manatu i latou e mafai ‘ona sao mai i faitoto‘a o Ierusalema o ē na fai o ia ma fili ma ē na ita mai.
13. ‘Ona o agasala a ona perofeta ma amioletonu a ona ositaulagaē na fa‘amaligi le toto o ē amiotonu i totonu ‘iā te ia.
14. Sa fesēsēa‘i i latou i ala o tauaso i latou, a leaga i latou i le toto,‘ua lē mafai ai tagata ‘ona papa‘i atu i o latou ‘ofu.
15. “‘Inā ō ‘ese ia ‘outou o ē le mamā,” sa ‘alalaga atu ai tagata ‘iā te i latou,“ō ‘ese ia, ‘inā ō, ‘aua le papa‘i mai;”a o sōsōla i latou ‘ua latou fesēsēa‘i lava; na fa‘apea ane tagata i nu‘u ‘ese,“Latou te lē toe nonofo ai.”
16. O fofoga o le ALI‘I ‘ua ta‘ape ai i latou, e lē toe silasila mai o ia ‘iā te i latou;na lē āva i latou i ositaulaga na lē alolofa i latou i toeaina.
17. A o tumau i matou sa fole o matou mata i va‘ai i lo matou fesoasoani le aogā;sa va‘ava‘ai atu i matou i o matou fale matamoe i le nu‘u e lē mafai ‘ona fa‘aola mai.
18. Sa latou tuli tatao i o matou tulagāvae, sa le mafeoa‘i ai i matou i o matou ala;‘ua lata mai lo matou i‘uga, ‘ua ‘ato‘atoa o matou aso; auā ‘ua o‘o le matou i‘uga.
19. Sa sili ‘ona tele vavave o ē na tuliloa mai ‘iā te i matou i aeto o le lagi;sa latou saga tuliloa mai ‘iā te i matou i atu mauga, sa latou lamalama mai ‘iā te i matou i le vao.
20. O le mānava o matou pogaiisu, o lē na fa‘au‘uina e le ALI‘I,‘ua maua o ia ‘iā latou lua, o lē na matou fai ane ai, “E nonofo i matou i lona paolo i nu‘u ‘ese.”
21. ‘Inā ‘oli‘oli ia ma e fiafia oe le tama fafine a Etoma e, o lo‘o nofo i le nu‘u o Usa;e o‘o atu ‘iā te oe lava le ipu; e ‘onā ai oe ma e fa‘alelavalavā ai.
22. Le tama fafine a Siona e, ‘ua fa‘atūina lau sala, na te lē toe fa‘atāfeaina oe;le tama fafine a Etoma e, na te taui atu lau amioletonu, na te fa‘aalia au agasala.