2. Na ia faia le amio leaga i luma o le ALI‘I, fa‘apei o amio leaga a nu‘u na tulia e le ALI‘I i luma o le fānauga a Isaraelu.
3. ‘Ua na toe faia fo‘i mea maualuluga sa fa‘aumatia e Esekia lona tamā, ma na fai fo‘i fatafaitaulaga o Paala, ‘ua na fai fo‘i le tupua o Asaira, fa‘apei ‘ona faia e Aapo le tupu o Isaraelu ma na ifo fo‘i i ‘au uma a le lagi ma ‘au‘auna i ai.
4. ‘Ua ia fai fo‘i fatafaitaulaga i le fale o le ALI‘I, o le mea na fetalai mai ai le ALI‘I, “O Ierusalema ‘ou te tu‘u ai lo‘u igoa.”
5. ‘Ua ia fai fo‘i fatafaitaulaga mo ‘au uma a le lagi i lotoā uma e lua o le fale o le ALI‘I.