1. Sa levaleva ‘ona tau o le tau‘a a o le ‘āiga o Saulo ma le ‘āiga o Tavita; ‘ua tupu pea le malosi o Tavita, a o le ‘āiga o Saulo ‘ua tauāu ‘ina vaivai.
2. Na fānau atali‘i o Tavita i Heperona; o lana ulumatua o Amanono, le tama a Ainoama le Isereelu;
3. o lona to‘alua o Kiliava, le tama a Apikaila le avā a Napalu le Karamelu; o lona to‘atolu o Apisaloma, le tama a Maaka le afafine o Talemai le tupu o Kasuri.
4. O lona to‘afa o Atonia, le tama a Akita; lona to‘alima o Sefatia, le tama Apitala;
5. o lona to‘aono o Itereamu, le tama a Ekeli le avā a Tavita; o i latou nei na fānau ‘iā Tavita i Heperona.