18. E ono tulagāvae fa‘a‘apefa‘i e alu a‘e ai i le nofoāli‘i ma le mea auro e tu ai ona vae ‘ua fa‘amauina i le nofoāli‘i; sa i ai mea e fa‘alagolago i ai i itū ta‘itasi o le mea e ti‘eti‘e ai; na tutū fo‘i leona e lua i tafatafa o mea e fa‘alagolago i ai.
19. Sa tutū ai fo‘i leona e sefulu ma le lua i lea itū ma lea itū o tulagāvae fa‘a‘apefa‘i e ono; e leai se mea fa‘apea e faia i se tasi mālō.
20. O ipu inu uma a le tupu o Solomona o auro ia, ma ipu uma o le fale o le vao o Lepanona o auro lelei ia. Sa leai ni ipu ario; ‘ua ta‘ufa‘atauva‘aina lava ario i ona po o Solomona.