6. ‘Ua fasia e Peka le atali‘i o Remalia i Iuta o tagata e selau afe ma afe e luafulu i le aso e tasi, o toa uma ia; auā ‘ua tu‘ua e i latou o le ALI‘I le Atua o latou tamā.
7. O Sekari le toa o Efaraima, ‘ua ia fasiotia Maaseia le atali‘i o le tupu ma Aserikama le pule i le ‘āiga ma Elekana le aupito ane i le tupu.
8. ‘Ua ‘ave fa‘atagataotau‘a e le fānauga a Isaraelu o latou uso e ‘ua selau o afe, o fafine o tama ma teine ma mea fo‘i e tele ‘ua vete ‘iā te i latou, ma ‘ua ‘ave i Samaria mea na vetea mai.
9. Sa i ai fo‘i i lea mea o le perofeta a le ALI‘I, o Oteta lona igoa; ‘ua alu atu o ia i luma o ‘au na ō mai i Samaria ma ‘ua fa‘apea atu ‘iā te i latou, “Fa‘auta, sa to‘asā le ALI‘I le Atua o ‘outou tamā ‘iā Iuta, ‘ua tu‘uina mai ai i latou i o ‘outou lima ma ‘ua ‘outou fasioti ‘iā te i latou i le ita e pa‘i atu i le lagi.