Feagaiga Tuai

Feagaiga Fou

2 Makapaio 7:15-20 O LE TUSI PA'IA - Ekalesia Katoliko Roma (RSCB)

15. ‘Ona latou ‘aumaia lea o lona to‘alima ma ‘ua latou fa‘asauā ‘iā te ia. A ‘ua tepa a‘e o ia i le tupu, o fai atu,

16. “‘Ua tu‘ufaitalia nei o oe, auā e ui ‘ina ‘augavale o oe, a ‘ua ‘iā te oe le pule fa‘aletagata; ‘ae ‘aua ne‘i e fa‘apea ifo ‘ua tu‘ulafoa‘iina lo matou nu‘u e le Atua.

17. Tau ‘ina e fa‘atalitali teisi, ‘ona e iloa ai lea o lona mana tele pe a fa‘atigāina e ia o oe ‘atoa ma lau fānau.”

18. ‘Ona ‘aumaia ai lea o lona to‘aono; a ‘ua lata ‘ona oti o ia, ‘ona fa‘apea atu lea, “‘Aua ne‘i sesē fa‘avalea o oe; auā ‘ua tigāina lava i matou ‘ona ‘ua matou agasala i lo matou nei mea e ofo ai le loto.

19. A o oe, ‘aua ‘e te tāofi ifo e lē o‘o se sala ‘iā te oe, ‘ona ‘ua e fa‘asaga tau ma le Atua.”

20. A o le tinā lava ia ‘ua lē mafa‘amatalaina lona loto tele, ‘ua tatau ‘ona manatua pea lava e tagata lelei; sa va‘ava‘ai atu i le fasiotia o ana tama e to‘afitu i le aso lava e tasi, a ‘ua ia tali ma le loto malosi, ‘ona o lona lava fa‘alagolago i le Atua;

Faitau le mataupu e atoatoa 2 Makapaio 7