33. ‘Ua fa‘apea fo‘i ‘ona faia e ia o pou mo le faitoto‘a o le malumalu i la‘au o olive vao e fa‘atafafā.
34. O puipui fo‘i e lua o la‘au o perosi ia; o itū e lua o le tasi puipui ‘ua feagai ma itū e lua o le isi puipui ‘ua feagai.
35. ‘Ua ia togitogiina ai fo‘i o kerupi ma pama ma fua o la‘au ‘ua mātala; ‘ua ia ufitia fo‘i i le auro ‘ua fa‘atatauina i mea na togitogiina.
36. ‘Ona ia faia lea o le lotoā aupito i totonu i le atu ma‘a talai ‘ua sautuatolu ma le atu la‘au fa‘alava o arasi ‘ua talai.
37. O le fa o tausaga, o le masina o Sefa na fa‘avaeina ai le fale o le ALI‘I;