51. ‘Ua ta‘uina mai fo‘i ‘iā Solomona ‘ua fa‘apea mai, “Fa‘auta, ‘ua mata‘u Atonia i le tupu o Solomona; fa‘auta fo‘i, ‘ua tago atu o ia i nifo o le fatafaitaulaga, ‘ua fa‘apea mai o ia, ‘‘Ia tautō mai le tupu o Solomona ‘iā te a‘u i le aso nei na te lē fasiotia lana ‘au‘auna i le pelu.’”
52. ‘Ona fai atu lea o Solomona, “‘Āfai e amio lelei o ia e lē pa‘ū sona lauulu i le ‘ele‘ele; ‘ae ‘āfai e iloa se leaga ‘iā te ia, e oti ia.”
53. ‘Ona ‘a‘auina atu lea o nisi e le tupu o Solomona; ‘ua latou ta‘ita‘i mai fo‘i ‘iā te ia a‘i le fatafaitaulaga. ‘Ona sau lea o ia ma ifo mai i le tupu o Solomona; ‘ona fai atu lea o Solomona ‘iā te ia, “Alu ia oe i lou fale.”