34. O lenei fo‘i le fa‘ailoga ‘iā te oe e o‘o ai i ou atali‘i e to‘alua o Hofeni ma Fineaso, e oti i lā‘ua i le aso e tasi.
35. ‘Ou te fa‘atūina mo a‘u se ositaulaga fa‘amaoni, na te faia e tusa ma lo‘u loto ma la‘u manatu, ‘ou te ati a‘e fo‘i se fale tumau mōna; e savali o ia i aso uma lava i luma o lē ‘ua a‘u fa‘au‘uina.
36. O ē ‘ua totoe uma lava i lou ‘āiga e ta‘itasi ma sau ma fa‘atoga ‘iā te ia i se tupe ario, po o se pōtoi areto, e fai ane fo‘i, ‘Ou te ‘ai‘oi ‘iā te oe, ‘ia e tofi mai ‘iā te a‘u i sina faiva o ositaulaga, ‘ina ‘ia ‘ou ‘ai ai sina mea e ‘ai.’”