45. e togia fo‘i i ‘oloa a le tupu le atiina a‘e o pavali o Ierusalema ma le faiga o ‘olo e si‘omia a‘i; a fa‘apea fo‘i ‘ona fai i le atiina a‘e o pavali i Iuta.”
46. A ‘ua fa‘alogo Ionatana ma le nu‘u i ‘upu ia, ‘ua latou lē talitonu i ai, ‘ua latou lē talia lava, auā ‘ua latou manatua o mea matuā leaga na ia faia ‘iā Isaraelu, na na matuā fa‘atigā ai ‘iā te i latou.
47. Ma ‘ua latou loto malie ‘iā Alesana, auā o ia na mua‘i faia ‘upu o le filemū ‘iā te i latou; sa latou fesoasoani atu fo‘i ‘iā te ia i aso ta‘itasi uma.