58. ‘ua alu atu o ia ‘iā Pilato, ‘ua fa‘anoi atu ai i le tino o Iesu. ‘Ona fai atu ai lea o Pilato ‘ia tu‘u ane le tino.
59. ‘Ua ‘ave e Iosefa le tino, ‘ona aui ai lea i le ‘ie lino e mamā.
60. ‘Ua tu‘u ai i lona tu‘ugamau fou na foa i le papa; ‘ua fuli atu e ia le ma‘a tele i le gutu o le tu‘ugamau, ‘ona alu ai lea o ia.
61. Sa i ai Maria le Makatala ma le isi Maria, sa la nonofo feagai ma le tu‘ugamau.
62. O le taeao, o le aso lea e tuā‘oi ma le aso o le sauniga, ‘ua fa‘apotopoto atu ai ‘iā Pilato le ‘au ositaulaga sili ma le ‘au faresaio,
63. ‘ua fa‘apea atu, “Le ali‘i e, ‘ua matou manatua, na fai mai lenā tagata pepelo, ‘ina o ola mai o ia, ‘A mavae aso e tolu ‘ou te toetū mai ai lea.’
64. O lenei, ‘ia e fetalai ane, ‘ia fa‘amauina le tu‘ugamau se‘ia o‘o i le aso tolu, ‘ina ne‘i ō atu ona so‘o i le po ma gaoi ‘iā te ia, ma latou fai atu i le nu‘u, ‘‘Ua toetū mai o ia nai ē ‘ua oti;’ ‘ona sili ai lea o le pepelo e mulimuli i le na muamua.”
65. ‘Ona fai ane ai lea o Pilato ‘iā te i latou, “‘Ua ‘iā te ‘outou leoleo, ‘inā ō ia, faitalia lava ‘outou ‘ona fa‘amau ai.”
66. ‘Ona latou ō ai lea, ‘ua fa‘amauina le tu‘ugamau, ‘ua fa‘amaufa‘ailoga i le ma‘a ma tu‘u ai tagata e leoleo.#