24. O lea fo‘i ‘ou te fai atu ai ‘iā te ‘outou, E feoloolo le nu‘u o Sotoma i le aso fa‘amasino ‘iā te oe.”
25. O lea lava itū aso ‘ua fetalai atu ai Iesu, ‘ua fa‘apea atu, “‘Ou te fa‘afetai ‘iā te oe, lo‘u Tamā e, le Ali‘i o le lagi ma le lalolagi, ‘ina ‘ua e nanā ia mea i ē popoto ma ē atamamai, a ‘ua fa‘aalia atu ia mea i tama valevale.
26. O lea lava, lo‘u Tamā e, auā o lou finagalo lava lea.
27. ‘Ua tu‘uina mai mea uma ‘iā te a‘u e lo‘u Tamā; e leai fo‘i se tasi ‘ua iloa le Atali‘i, ‘ua nā o le Tamā; e leai fo‘i se tasi ‘ua iloa le Tamā, ‘ua nā o le Atali‘i ma sē ‘ua loto le Atali‘i e fa‘aali atu i ai.
28. “‘Ia ‘outou ō mai ‘iā te a‘u, o ‘outou uma o ē tigāina ma mafatia i avega, o a‘u fo‘i e mālōlō ai ‘outou.
29. ‘Ia ‘outou amoina la‘u amo ma ‘ia ‘outou fa‘aa‘oa‘o ‘iā te a‘u, auā o a‘u lē agamalū ma le loto maulalo; ‘ona maua lea e ‘outou o le mālōlōga mo ‘outou agaga.
30. Auā e ‘avegofie la‘u amo, o la‘u avega fo‘i e māmā ia.”