21. ‘Ua fetalai atu fo‘i o ia ‘iā te i latou, “E ‘aumai ‘ea se molī ‘ina ‘ia tu‘uina i lalo o le mea e fua ai saito, po o i lalo o le moega? E lē fa‘atūina ‘ea i luga o le tu‘ugāmolī?
22. Auā e leai se mea e lilo e lē fa‘aalia; e leai fo‘i se mea e natia, ‘ae i‘u ‘ina fa‘ailoa lava.
23. O lē ‘ua i ai taliga e fa‘alogo ai, ‘inā fa‘alogo mai ia o ia.”
24. ‘Ua ia fetalai atu fo‘i ‘iā te i latou, “‘Ia ‘outou i mea tou te fa‘alogo i ai; o le fua tou te fua atu ai, e toe fuaina mai ai ‘iā te ‘outou; o ‘outou o ē fa‘alogologo, e fa‘aopoopoina ‘iā te ‘outou.
25. Auā o lē ‘ua i ai mea, e avatua pea ‘iā te ia; a o lē ‘ua leai ni ana mea, e ‘ave‘eseina le mea ‘ua ‘iā te ia.”
26. ‘Ua ia fetalai atu fo‘i, “O le mālō o le Atua ‘ua fa‘apei o le tagata ‘ua na lūlūina saito i le ‘ele‘ele.