44. Na tu‘uina atu e lē na fa‘alataina o ia le fa‘ailoga ‘iā te i latou ‘ua fa‘apea atu, “O lē ‘ou te sogi atu i ai, o ia lea; tou te pu‘e ‘iā te ia, ma ta‘ita‘iina atu ma tāofimauina.”
45. ‘Ua o‘o mai o ia, ‘ona sōsō mai loa lea ‘iā te ia, ‘ua fai mai, “Rapi e,” ‘Ua sogi ane fo‘i ‘iā te ia.
46. ‘Ona o‘o atu lea o latou lima ‘iā te ia, ‘ua latou pu‘e fo‘i ‘iā te ia.
47. O le tasi o i latou o ē nā tutū i ai, ‘ua ia tōina lana pelu, ‘ua tā le ‘au‘auna a le ositaulaga sili, ‘ua tipi‘esea lona taliga.
48. ‘Ona fetalai atu lea o Iesu ‘iā te i latou, “‘Ua ‘outou ō mai ‘ea ma pelu ma uatogi e pu‘e mai ai ‘iā te a‘u, peiseaī se fao mea?
49. Sa tatou fa‘atasi ma a‘u i le malumalu sa ‘ou a‘oa‘o atu ai i aso fai so‘o, tou te le‘i pu‘eina ai a‘u. A ‘ua faia ‘ina ‘ia taunu‘u ai Tusi.”
50. ‘Ona tu‘ua ai lea o ia e i latou uma ‘ua sōsōla.