41. ‘Ona mutimutivale lea o le alofa o Iesu ‘iā te ia, ‘ua ‘a‘apa atu lona ‘a‘ao, ‘ua pa‘i atu ‘iā te ia ma fetalai atu ‘iā te ia, “‘Ou te loto i ai, ‘inā mamā ia oe.”
42. ‘Ua fetalai atu o ia, ‘ona te‘a lea o le ma‘i lepela ‘iā te ia, ‘ona mamā ai lea o ia.
43. ‘Ona matuā vavao atu lea o Iesu ‘iā te ia ma tu‘uina atu loa ‘iā te ia e alu.
44. ‘Ua fa‘apea atu fo‘i ‘iā te ia, “‘Ia oe, ne‘i e ta‘u atu sina tala i se tasi; a ‘ia e alu, ma fa‘aali oe i le ositaulaga; ma avane o mea na poloa‘i ai Mose mo lou fa‘amamāina, e fai ma fa‘ailoga ‘iā te i latou.”
45. A ‘ua alu atu o ia, ‘ona matuā tala‘i atu lea ma fa‘asalalau le tala, o lea e le‘i toe mafai ai e ia ‘ona maliu fa‘aali i le ‘a‘ai; a ‘ua nofonofo i mea tu‘ufua; ‘ua latou ō ane fo‘i ‘iā te ia mai itū uma.