Feagaiga Tuai

Feagaiga Fou

Ioane 13:27-34 O LE TUSI PA'IA - Ekalesia Katoliko Roma (RSCB)

27. ‘Ua mavae atu le mea e ‘ai, ‘ona uluitinoina lea o lea tagata e Satani. ‘Ona fa‘apea atu lea o Iesu ‘iā te ia, “O le mea ‘e te faia, ‘ia vave ia ‘ona fai.”

28. ‘Ae le‘i iloa e se tasi o i latou sa ta‘o‘oto le mea ‘ua ia fetalai atu ai lea ‘upu ‘iā te ia.

29. Auā ‘ua masalo isi ‘ua fetalai atu Iesu, ‘ina ‘ua ‘iā Iuta le ‘ato tupe, “‘Inā fa‘atau mai ia ni mea e tatau ‘iā te i tatou i le tausamiga; pe avatu se mea i ē matitiva.”

30. ‘Ua talia fo‘i e ia le mea e ‘ai, ‘ona alu loa lea o ia i fafo; ‘ua po.

31. ‘Ua alu ia i fafo, ‘ona fa‘apea atu lea o Iesu, “‘Ua vi‘ia nei le Atali‘i o le tagata, ‘ua vi‘ia fo‘i le Atua ‘iā te ia.

32. ‘Āfai e vi‘ia le Atua ‘iā te ia, e vi‘ia fo‘i o ia e le Atua ‘iā te ia lava, e vave fo‘i ‘ona vivi‘i o ia ‘iā te ia.

33. La‘u fānau e, e toe itiiti nai aso ‘ou te i ai ‘iā te ‘outou, tou te sā‘ili mai ‘iā te a‘u, ‘ae pei ‘ona ‘ou fai atu ‘iā Iutaia, ‘O le mea ‘ou te alu i ai, tou te lē mafai ‘ona ō i ai; e fa‘apea fo‘i ‘ona ‘ou fai atu nei ‘iā te ‘outou.’

34. O le poloa‘iga fou ‘ou te tu‘u atu ai ‘iā te ‘outou, ‘ia ‘outou fealofani; fa‘apei ‘ona ‘ou alofa atu ‘iā te ‘outou, ‘ia fealofani fo‘i ‘outou.

Faitau le mataupu e atoatoa Ioane 13