2. ‘Ona sauni ai lea e i latou o le faigā‘ai ma ia i lea mea, na ‘au‘auna ai fo‘i Mareta; a o Lasalo, o ia o le tasi o ē na nonofo e ‘a‘ai fa‘atasi ma ia.
3. ‘Ona tago ai lea o Maria i le pauna o le u‘u nato tau tele; ‘ua ia u‘u ai vae o Iesu, ma sōloi ona vae i lona lauulu; ‘ua tumu fo‘i le fale i le manogi o le u‘u.
4. ‘Ona fai ane lea o le tasi o ona so‘o, o Iuta le atali‘i o Simona le Sekara, o lē fa‘alata ‘iā te ia,
5. “Pe se a le mea na lē fa‘atau ai lenā u‘u manogi i tenari e tolu selau, ma avatu ai i ē matitiva?”
6. ‘Ua lē fa‘apea ane o ia, ‘ina ‘ua alofa o ia i ē matitiva, a ‘ona o ia o le gaoi, ‘ua ‘iā te ia fo‘i le ‘ato tupe, ma na tau‘ave mea na fafao ai.