13. ‘Ona ‘ave lea e i latou o lau o pama, ma ō mai e fa‘afetaia‘i ‘iā te ia; ‘ona latou ‘alalaga lea, “Osana! ‘Ia manuia lē afio mai i le suafa o le Ali‘i, o le Tupu o Isaraelu.”
14. ‘Ua maua e Iesu le tama‘i asini, ‘ona ti‘eti‘e ai lea, fa‘apei ‘ona tusia,
15. “‘Aua ‘e te fefe, o oe le tama fafine a Siona; Fa‘auta, e afio mai lou Tupu,o lo‘o ti‘eti‘e i le tama‘i asini.”
16. ‘Ua lē iloa e ona so‘o ia mea i le taimi lava lea; ‘ae ‘ina ‘ua o‘o Iesu i lona mamalu, ‘ona latou manatua lea ‘ua tusia ia mea ‘iā te ia; ‘ua latou faia fo‘i ia mea ‘iā te ia.
17. ‘Ona molimau ai lea o le motu o tagata sa latou i ai ma ia, ‘ina ‘ua vala‘auina e ia o Lasalo nai le tu‘ugamau, ma toe fa‘atū mai ‘iā te ia nai ē ‘ua oti.