1. ‘Ua maliu atu Iesu i Petania, a o toe aso e ono i le fai ai le paseka, sa i ai Lasalo na oti, na ia toe fa‘atū ‘iā te ia nai ē ‘ua oti.
2. ‘Ona sauni ai lea e i latou o le faigā‘ai ma ia i lea mea, na ‘au‘auna ai fo‘i Mareta; a o Lasalo, o ia o le tasi o ē na nonofo e ‘a‘ai fa‘atasi ma ia.
3. ‘Ona tago ai lea o Maria i le pauna o le u‘u nato tau tele; ‘ua ia u‘u ai vae o Iesu, ma sōloi ona vae i lona lauulu; ‘ua tumu fo‘i le fale i le manogi o le u‘u.
4. ‘Ona fai ane lea o le tasi o ona so‘o, o Iuta le atali‘i o Simona le Sekara, o lē fa‘alata ‘iā te ia,
5. “Pe se a le mea na lē fa‘atau ai lenā u‘u manogi i tenari e tolu selau, ma avatu ai i ē matitiva?”