7. ‘Ua tatau ‘ona ‘ou manatu fa‘apea ‘iā te ‘outou uma; auā ‘ua teuina ‘outou i lo‘u loto ‘ina ‘ua tatou ‘auai fa‘atasi ma a‘u i le alofa tunoa, a o noanoatia a‘u ma ‘ou tu atu e fa‘amaonia le tala lelei.
8. Auā ‘ua silafia e le Atua, ‘ua ‘ou matuā naunau ‘iā te ‘outou uma lava i le alofa naunauta‘i o Iesu Keriso.
9. O la‘u tatalo fo‘i lenei, ‘ia fa‘atuputeleina pea lava lo ‘outou alofa, ma le iloa lelei, ‘atoa ma le fa‘autauta uma;
10. ‘ina ‘ia masino ‘iā te ‘outou mea uiga ‘ese‘ese. ‘Ona ‘avea ai lea ‘outou ma ē fa‘amaoni, ma le lē ta‘uleagaina pe a o‘o i le aso o Keriso.
11. ‘Ia tūtūmu ‘outou i fua o le amiotonu mai ‘iā Iesu Keriso, ‘ina ‘ia vi‘ia ai ma fa‘ane‘ene‘eina ai le Atua.