1. O lenei, o oe lo‘u atali‘i e, ‘ia fa‘amalosia oe i le alofa tunoa o lo‘o ‘iā Keriso Iesu.
2. O mea fo‘i na e fa‘alogologo mai ai ‘iā te a‘u i luma o molimau e to‘atele, ‘ia e tu‘uina atu ai i tagata fa‘amaoni, o ē ‘ua mafaia ‘ona a‘oa‘oina atu i nisi.
3. O lenei, ‘ia e ‘onosa‘i i mea e tigā ai, fa‘apei o se tagata tau e lelei a Iesu Keriso.
4. E leai sē tau i le tau‘a na te fa‘alavelavea o ia e ia i mea o le olaga sa masani, ‘ina ‘ia fa‘afiafia o ia i lē na filifili ‘iā te ia e fai ma tagata tau.