13. Se a se tasi mea na lē tusa ai ‘outou ma nisi ekalesia, na o lea ‘ina ‘ua lē tigāina ‘outou ‘iā te a‘u? ‘Inā fa‘amāgalo mai ia ‘iā te a‘u i lenā agaleaga.
14. Fa‘auta, ‘ua atu tolu lo‘u sauni ‘ou te alu atu ‘iā te ‘outou; ‘ou te lē fa‘atigā fo‘i ‘iā te ‘outou; auā ‘ou te lē sā‘ili ‘iā ‘outou mea, ‘ae peita‘i o ‘outou lava; auā e lē tatau ‘ona fa‘aputu ‘oa e le fānau mo mātua, a o mātua mo le fānau.
15. ‘Ou te matuā fiafia lava e fa‘auma a‘u mea, ia fa‘aumatia fo‘i a‘u ‘ona o ‘outou agaga; auā e ui lava ‘ina atili ai ‘ona itiiti ‘ona alofagia o a‘u, ‘ae matuā tele pea lo‘u alofa atu ‘iā te ‘outou.
16. ‘Inā tu‘u ia o lea. Na lē mafatia ‘outou ‘iā te a‘u; a o la‘u fai togafiti ‘ua maua ai ‘outou e a‘u i le ‘ole‘ole.
17. Pe na ‘ou sā‘ili mea ‘iā te ‘outou ma le ‘ole‘ole e so latou na ‘ou ‘auina atu ‘iā te ‘outou?