4. Mutibweze, Mulungu wa cipulumutso cathu,Nimuletse udani wanu wa pa ife.
5. Kodi mudzatikwiyira nthawi zonse?Kodi mudzakhala cikwiyire mibadwo mibadwo?
6. Kodi simudzatipatsanso moyo,Kuti anthu anu akondwerere ndi Inu?
7. Tionetseni cifundo canu, Yehova,Tipatseni cipulumutso canu.
8. Ndidzamva colankhula Mulungu Yehova;Pakuti adzalankhula zamtendere ndi anthu ace, ndi okondedwa ace;Koma asabwererenso kucita zapusa.
9. Indedi cipulumutso cace ciri pafupi ndi iwo akumuopa Iye;Kuti m'dziko mwathu mukhale ulemu.
10. Cifundo ndi coonadi zakomanizana;Cilungamo ndi mtendere zapsompsonana,
11. Coonadi ciphukira m'dziko;Ndi cilungamo casuzumira ciri m'mwamba.
12. Inde Yehova adzapereka zokoma;Ndipo dziko lathu lidzapereka zipatso zace.
13. Cilungamo cidzamtsogolera; Nicidzamkonzera mapazi ace njira.