49. Men dei andre sa: «Lat oss sjå om Elia kjem og bergar han.»
50. Men Jesus ropa på nytt med høg røyst og gav opp anden.
51. Då rivna forhenget i tempelet i to, ovanfrå og heilt ned. Jorda skalv, og berga brast.
52. Gravene opna seg, og kroppane til mange heilage som var avlidne, vart reiste opp frå dei døde.
53. Etter Jesu oppstode gjekk dei ut av gravene og kom inn i den heilage byen, og der synte dei seg for mange.
54. Men då offiseren og dei som var med han og heldt vakt over Jesus, såg jordskjelvet og det som hende, vart dei gripne av stor redsle og sa: «Sanneleg, han var Guds Son!»