26. Då gav han dei Barabbas fri, men lét Jesus piska og gav han over til krossfesting.
27. Soldatane til landshovdingen tok no Jesus med seg inn i borga og samla heile vaktstyrken omkring han.
28. Dei kledde av han og hengde på han ei skarlaksraud soldatkappe,
29. fletta ei tornekrone og sette på hovudet hans og gav han ein kjepp i høgre handa. Dei fall på kne for han, spotta han og sa: «Ver helsa, du konge over jødane!»
30. Så spytta dei på han og tok kjeppen og slo han i hovudet.
31. Då dei hadde hånt han, tok dei av han kappa og hadde på han hans eigne klede.Så førte dei Jesus bort for å krossfesta han.