1. Det nærma seg no høgtida med usyra brød, som dei òg kallar påske.
2. Overprestane og dei skriftlærde prøvde å finna ut korleis dei kunne få Jesus drepen, for dei var redde folket.
3. Då fór Satan i Judas, han som dei kalla Iskariot, og som var ein av dei tolv.
4. Han gjekk av stad og tala med overprestane og leiarane for tempelvakta om korleis han kunne gje Jesus over til dei.
5. Dei vart glade og lova å gje han pengar.
6. Judas gjekk med på dette, og sidan leita han etter eit høve til å gje Jesus over til dei når han ikkje hadde folkemengda omkring seg.
7. Så kom den dagen i høgtida med usyra brød då påskelammet skulle slaktast.
8. Jesus sende Peter og Johannes i veg og sa: «Gå og gjer i stand for oss så vi kan halda påskemåltid.»
9. «Kvar vil du vi skal gjera i stand?» spurde dei.
10. Han svara: «Når de kjem inn i byen, kjem ein mann som ber ei krukke med vatn, til å møta dykk. Han skal de følgja til det huset han går inn i,