31. Kyrkja hadde no fred over heile Judea og Galilea og Samaria. Ho vart bygd opp og levde i ærefrykt for Herren, og styrkt av Den heilage ande auka ho meir og meir.
32. Medan Peter reiste omkring overalt, hende det at han kom ned til dei heilage som budde i Lod.
33. Der fekk han sjå ein mann som var lam og hadde lege til sengs i åtte år. Han heitte Æneas.
34. Peter sa til han: «Æneas, Jesus Kristus gjer deg frisk. Stå opp og rei senga di!» Straks reiste han seg opp.
35. Og alle dei som budde i Lod og på Saron-sletta, fekk sjå han og vende om til Herren.
36. I Jaffa budde det ein kvinneleg læresvein som heitte Tabita, på gresk Dorkas. Ho gjorde mykje godt og tok seg av dei fattige.
37. Men på den tida vart ho sjuk og døydde. Dei vaska henne og la henne i eit rom ovanpå.