34. Han vart sett i varetekt, for det var ikkje klårt kva som skulle gjerast med han.
35. Då sa Herren til Moses: «Mannen må døy. Heile forsamlinga skal steina han utanfor leiren.»
36. Så førte heile forsamlinga han utanfor leiren og steina han til han døydde, slik Herren hadde pålagt Moses.
37. Herren sa til Moses:
38. Tal til israelittane og sei til dei at dei gjennom alle slekter skal laga seg duskar på kappeflikane sine, og i kvar dusk skal dei setja ei snor av fiolett purpur.
39. Slike duskar skal de ha. Kvar gong de ser på dei, skal de koma alle Herrens bod i hug, så de lever etter dei. De må ikkje følgja dykkar eigne hjarte og dykkar eigne auge, dei som lokkar dykk til å driva hor.
40. Såleis skal de minnast alle boda mine og leva etter dei. De skal vera heilage for dykkar Gud.
41. Eg er Herren dykkar Gud, som førte dykk ut frå Egypt for å vera dykkar Gud. Eg er Herren dykkar Gud.