18. Tal til israelittane og sei til dei: Når de kjem inn i det landet som eg vil føra dykk til,
19. og et av det brødet som landet gjev, då skal de gje ei offergåve til Herren.
20. Det første brødet de bakar, skal de gje i offergåve. De skal gjera det på same måten som med offergåva frå treskjevollen.
21. Av det første de bakar, skal de gjennom alle slekter gje Herren eit brød som offergåve.
22. De er kan henda aktlause så de ikkje held alle desse påboda som Herren har gjeve Moses,
23. alt det Herren har pålagt dykk gjennom Moses, heilt frå den dagen han gav boda sine, og gjennom alle slekter.
24. Om det vart gjort i vanvare og utan at forsamlinga visste om det, skal heile forsamlinga ofra ein ung okse som brennoffer til godange for Herren, med grødeoffer og drikkoffer slik regelen seier, og ein geitebukk som syndoffer.
25. Presten skal gjera soning for heile Israels forsamling, så dei får tilgjeving. For det var gjort av vanvare, og dei har bore fram offeret sitt, eit gåveoffer til Herren og eit syndoffer for Herrens andlet for det dei gjorde av vanvare.
26. Då skal heile Israels forsamling og innflyttarane som held til hos dykk, få tilgjeving. For heile folket hadde del i aktløysa.