1. Herren sa til Moses:
2. Sei til israelittane:Det kan henda at ein person syndar av vanvare ved å gjera noko som Herrens bod forbyr.
3. Dersom det er den salva presten som syndar og fører skuld over folket, skal han ofra ein ung, feilfri okse som syndoffer til Herren for den synda han har gjort.
4. Han skal koma med oksen til inngangen til teltheilagdomen, for Herrens andlet, leggja handa på hovudet til oksen og slakta han for Herrens andlet.
5. Den salva presten skal ta noko av okseblodet og bera det inn i teltheilagdomen.
6. Han skal dyppa fingeren i blodet og skvetta litt av det sju gonger for Herrens andlet, framfor forhenget i heilagdomen.
7. Noko av blodet skal presten stryka på horna på altaret for den krydra røykjelsen, det som står for Herrens andlet i teltheilagdomen. Resten av okseblodet skal han hella ut ved foten av brennofferaltaret, det som står framfor inngangen til teltheilagdomen.
8. Alt feittet skal han ta ut or syndofferoksen, feittet som dekkjer innvolane, alt feittet som er på innvolane,
9. begge nyrene med feittet innmed hoftemusklane, og leverlappen, som han skal ta bort saman med nyrene,