1. Herren sa til Moses på Sinai-fjellet:
2. Tal til israelittane og sei til dei: Når de kjem inn i det landet eg vil gje dykk, skal landet halda sabbat for Herren.
3. Seks år skal du så til åkeren din, og seks år skal du skjera vinstokkane og samla inn grøda i landet.
4. Men i det sjuande året skal det vera sabbat, eit kvileår for landet, ein sabbat for Herren. Då skal du korkje så åkeren din eller skjera vinstokkane dine.