1. Folket i landet tok Joahas, son til Josjia, og gjorde han til konge i Jerusalem etter faren.
2. Joahas var tjuetre år gammal då han vart konge, og han styrte i Jerusalem i tre månader.
3. Men kongen i Egypt avsette han i Jerusalem, og av landet kravde han ei bot på hundre talentar sølv og ein talent gull.
4. Så sette Neko, kongen i Egypt, Eljakim, bror hans, til konge over Juda og Jerusalem og endra namnet hans til Jojakim. Joahas, bror hans, tok Neko med seg til Egypt.
5. Jojakim var tjuefem år gammal då han vart konge, og han styrte i Jerusalem i elleve år. Han gjorde det som vondt var i Herren hans Guds auge.