1. Guds ande kom over Asarja, son til Oded.
2. Han steig fram for Asa og sa til han: «Høyr på meg, Asa og heile Juda og Benjamin! Herren er med dykk om de er med han. Søkjer de han, lèt han seg finna; men forlèt de han, forlèt han dykk.
3. I lang tid var Israel utan den sanne Gud, utan prestar til å undervisa dei og utan lov.
4. Men i si trengsle vende dei om til Herren, Israels Gud. Dei søkte han, og han lét seg finna.
5. På den tida var det ikkje trygt, korkje for den som drog ut eller for den som kom heim. For det var stor uro mellom folk i alle land.