20. Men gjetarane frå Gerar tretta med gjetarane til Isak og sa: «Vatnet er vårt!» Han kalla brønnen Esek fordi dei tretta med han.
21. Sidan grov dei ein brønn til, men det vart strid om den òg, så den kalla han Sitna.
22. Så drog han derifrå og grov endå ein brønn. Den vart det ingen strid om. Difor kalla Isak han Rehobot og sa: «No har Herren gjeve oss nok rom, så vi kan vera fruktbare i landet.»
23. Derifrå drog Isak opp til Beer-Sjeba.
24. Same natta synte Herren seg for han og sa:«Eg er Gud til Abraham, far din.Ver ikkje redd, for eg er med deg!Eg vil velsigna degog gjera ætta di talrikfor Abraham, min tenar, skuld.»
25. Så bygde Isak eit altar der og kalla på Herrens namn. Han slo òg opp teltet sitt der, og slavane grov ein brønn.
26. Abimelek kom til han frå Gerar saman med Ahussat, venen sin, og Pikol, hærføraren.