30. Men då han såg kor hardt det bles, vart han redd og tok til å søkka. «Herre, frels meg!» ropa han.
31. Med det same rette Jesus ut handa og greip han og sa: «Kor lite tru du har! Kvifor tvila du?»
32. Så steig dei opp i båten, og vinden la seg.
33. Men dei som var i båten, fall på kne for han og sa: «Du er sanneleg Guds Son!»
34. Då dei kom over, la dei til lands i Gennesaret.
35. Folket der på staden kjende han att og sende bod kringom i heile grannelaget, og dei kom til han med alle som var sjuke.
36. Dei bad om at dei berre måtte få ta i kanten på kappa hans, og alle som gjorde det, vart friske.