8. For Menneskesonen er herre over sabbaten.»
9. Så gjekk han derifrå og kom inn i synagoga deira.
10. Der var det ein mann som hadde ei lam hand, og dei spurde Jesus: «Er det tillate å lækja på sabbaten?» Dei ville ha noko å klaga han for.
11. Han svara: «Om ein av dykk hadde ein sau, og han datt i ei grøft på sabbaten, ville han ikkje då få tak i sauen og dra han opp?
12. Kor mykje meir verdt er ikkje eit menneske enn ein sau! Så er det då tillate å gjera godt på sabbaten.»
13. Og han sa til mannen: «Rett ut handa!» Han så gjorde, og handa vart god som den andre.
14. Men farisearane gjekk ut og la planar om korleis dei skulle få rudt han or vegen.
15. Då Jesus fekk vita det, drog han derifrå.Mange fylgde han, og han lækte dei alle.
16. Men han baud dei strengt at dei ikkje måtte gjera han kjend.