36. Så skildest dei med folket og tok han med seg i den båten han sat i. Andre båtar fylgde òg med.
37. Då kom det ein hard kastevind, og bylgjene slo inn i båten, så han heldt på å gå full.
38. Men Jesus låg i bakskuten og sov på ei pute. Dei vekte han og sa: «Meister, er du likesæl om vi går under?»
39. Så reiste han seg, truga vinden og sa til sjøen: «Tei og ver still!» Då logna vinden, og det vart blikande stilt.
40. Og han sa til dei: «Kvifor er de så redde? Trur de enno ikkje?»
41. Men då vart dei endå reddare og sa seg imellom: «Kven er dette? Både vind og sjø lyder han!»