2. Nåde og fred vere med dykk i rikt mål gjennom kunnskapen om Gud og vår Herre Jesus!
3. Då vi lærte han å kjenna som kalla oss ved sin eigen herlegdom og styrke, gav han oss i si guddommelege makt alt som tener til liv og gudsfrykt.
4. Dermed har han gjeve oss dei dyraste og største lovnader; ved dei skulle de få del i guddommeleg natur etter at de har sloppe bort frå oppløysinga i verda, den som kjem av lystene.
5. Gjer difor alt de kan så trua viser seg i eit rett liv, og det rette livet i skjøn,
6. skjønet i sjølvtøyming, sjølvtøyminga i tolmod, tolmodet i kristen livsferd,
7. den kristne livsferda i brorskap og brorskapen i kjærleik.
8. For når alt dette finst hjå dykk og får veksa, då vert de ikkje yrkeslause eller utan frukt i kunnskapen om vår Herre Jesus Kristus.
9. Men den som ikkje har dette, han er nærsynt, ja, blind; han har gløymt at han er reinsa for sine førre synder.