58. тој отиде кај Пилат и го побара телото Исусово. Тогаш Пилат нареди да му го дадат телото.
59. А Јосиф, штом го зеде телото, Го завитка во чисто платно,
60. и Го положи во својот нов гроб, што го беше издлабил во камен; па, откако постави голем камен над гробната врата, си отиде.
61. А таму беа Марија Магдалена и другата Марија, кои седеа спроти гробот.
62. Утредента, пак, по петокот, се собраа првосвештениците и фарисеите кај Пилат,
63. и му рекоа: „Господаре, се сетивме дека Оној измамник, уште дури беше жив, рече: ‚По три дни ќе воскреснам!‘
64. Затоа нареди да се причува гробот до третиот ден, за да не отидат учениците Негови ноќе и да Го украдат, па да му речат на народот: ‚Воскресна од мртвите!‘ Та последната измама ќе биде полоша од првата.“
65. Пилат им рече: „Имате стража; одете и чувајте го како што знаете.“
66. Тие отидоа и со стража го чуваа гробот, а каменот го запечатија.