Нов Завет

Матеј 15:14-26 Свето Писмо: Стандардна Библија 2006 (MK2006D)

14. оставете ги: тие се слепи водачи на слепи: а кога слеп води слеп, обата ќе паднат во јама.“

15. Петар, пак, Му одговори и рече: „Објасни ни ја оваа парабола.“

16. А Исус им рече: „Ама вие, уште ли не сфаќате?

17. Уште ли не разбирате дека сѐ што влегува во устата, минува преку стомакот и се исфрлува надвор?

18. А она што излегува од устата, излегува од срцето и тоа го осквернува човекот;

19. зашто од срцето излегуваат лоши помисли, убиства, прељубодејства, блудства, кражби, лажни сведоштва, хули;

20. тоа го осквернува човекот. А да се јаде со неизмиени раце, тоа не го осквернува човекот.“

21. И кога излезе оттаму Исус, замина во краевите Тирски и Сидонски.

22. И ете, една жена Хананејка, излезе од оние краишта, повика кон Него, велејќи: „Смилувај ми се, Господи, Сине Давидов! Ќерка ми жестоко ја мачи демон.“

23. Но Тој не ѝ одговори ниту збор. И откако пристапија до Него, учениците Негови Го молеа и велеа: „Отпушти ја, зашто вика по нас.“

24. А Тој одговори и рече: „Јас сум пратен само кај загубените овци на домот израилев.“

25. Но таа, кога пристапи, Му се поклони и велеше: „Господи, помогни ми!“

26. Тој, одговарајќи ѝ рече: „Не е добро да се земе лебот од децата и да се фрли на кучињата.“

Прочитајте целосна глава Матеј 15