25. Но на четвртата стража преку ноќта, дојде Исус кај нив, одејќи по морето.
26. А учениците, штом Го видоа како оди по морето, се уплашија и рекоа: „Тоа е привидение!“ и од страв извикаа.
27. Но, Исус веднаш им прозборе, велејќи: „Не бојте се! Јас сум, не плашете се!“
28. А Петар, одговарајќи Му, рече: „Господи, ако си Ти, заповедај да дојдам кај Тебе по водата!“
29. И Исус му рече: „Дојди!“ Па штом излезе од коработ, Петар тргна по водата за да дојде кај Исуса;
30. но, кога го виде силниот ветар, се уплаши, почна да тоне и извика: „Господи, спаси ме!“